Zer da askatasuna?

Nork ematen digu, nork kentzen?

Galdera hauekin josi du taldeak hamaika abestiz osaturiko diskoa. Hamaika begirada, zalantza eta desio, kateak hautsi nahi dituzten norbanakoen begietatik kontatuta. Hirukote gipuzkoarrak enpatia ariketa bat egin du, aske izan nahi dutenen larruazalean jartzeko ahalegina.

Ekaitz Garmendia (Legen Beltza, Extinction, Sijjin) gitarjole eta ekoizle entzutetsuak osatu ditu diskoaren grabaketa, nahasketa eta masterizazio lanak, Black Storm estudioetan (Karrantza).